ബൈക്കില്‍ യൂറോപ്പ് ചുറ്റികറങ്ങി അജിത്
wmvadmin2
Jun 20, 2022 02:41
22
തെന്നിന്ത്യന്‍ പ്രേക്ഷകരുടെ പ്രിയതാരമാണ് അജിത് കുമാര്‍. സൂപ്പര്‍ബൈക്കുകളോട് വലിയ അഭിനിവേശമുള്ള താരം പലപ്പോഴും ബൈക്കില്‍ യാത്രകള്‍ ചെയ്യാറുണ്ട്.
താരത്തിന്റെ യാത്രാ ചിത്രങ്ങളും വീഡിയോകളും സമൂഹമാധ്യമങ്ങളില്‍ തരംഗമായിട്ടുമുണ്ട്. ഹൈദരാബാദ്-സിക്കിം-ചെന്നൈ എന്നിവിടങ്ങളില്‍ 4500 കിലോമീറ്റര്‍ ബൈക്ക് ട്രിപ്പ് നടത്തിയ താരത്തിന്റെ വാര്‍ത്ത ഏറെ ശ്രദ്ധ നേടിയിരുന്നു.
ഇപ്പോഴിതാ, ബൈക്കില്‍ യൂറോപ്പ് ചുറ്റിക്കറങ്ങുന്ന അജിത്തിന്റെ ട്രിപ്പിലെ ചിത്രങ്ങള്‍ സമൂഹമാധ്യമങ്ങളില്‍ വൈറലാവുകയാണ്. രമേഷ് ബാലയാണ് ചിത്രം ട്വിറ്ററില്‍ പങ്കുവെച്ചത്. 'പാഷന്‍ പിന്തുടരുന്നതില്‍ ഒരിക്കലും പരാജയപ്പെടാത്ത താരം,' എന്നാണ് അജിത്തിന്റെ ചിത്രങ്ങള്‍ ഷെയര്‍ ചെയ്തുകൊണ്ട് ആരാധകര്‍ കുറിക്കുന്നത്.
സൂപ്പര്‍ബൈക്കുകളോട് വലിയ അഭിനിവേശമുള്ള അജിത് കുമാര്‍ പലപ്പോഴും റേസിംഗ് ട്രാക്കുകളിലേക്കും എത്താറുണ്ട്. അടുത്തിടെ പുറത്തിറങ്ങിയ 'വലിമൈ'യുടെ ചിത്രീകരണത്തിന്‍റെ ഭാഗമായ ബൈക്ക് സ്റ്റണ്ടിനിടെ രണ്ട് തവണ അദ്ദേഹത്തിന് പരിക്കേല്‍ക്കുകയും ചെയ്തിരുന്നു.
