ഓസ്ട്രേലിയ വിസ നിയമങ്ങള് കര്ക്കശമാക്കുന്നു; ഇംഗ്ലീഷ് അറിയാത്തവര് പുറത്താകും
സിഡ്നി: അടുത്ത രണ്ടുവര്ഷത്തിനുള്ളില് കുടിയേറ്റക്കാരുടെ എണ്ണം പകുതിയായി കുറക്കുന്നതിന്റെ ഭാഗമായി വിസ നിയമങ്ങള് ശക്തമാക്കാൻ ഓസ്ട്രേലിയയുടെ നീക്കം.
പുതിയ നയങ്ങള് പ്രകാരം, അന്താരാഷ്ട്ര വിദ്യാര്ഥികള്ക്ക് ഇംഗ്ലീഷ് പരീക്ഷകളില് ഉയര്ന്ന റേറ്റിങ് ആവശ്യമാണ്.വിദ്യാര്ഥികള്ക്ക് ഓസ്ട്രേലിയയില് താമസിക്കുന്നത് നീട്ടാൻ അനുവദിക്കുന്ന ക്രമീകരണങ്ങളും അവസാനിക്കും.
2022-23 ല് നെറ്റ് ഇമിഗ്രേഷൻ റെക്കോര്ഡ് 510,000 ആയി ഉയരുമെന്ന് പ്രതീക്ഷിച്ചതിന് ശേഷമാണ് ആസ്ട്രേലിയയുടെ തീരുമാനം. 2024-25, 2025-26 വര്ഷങ്ങളില് ഇത് ഏകദേശം കാല് ദശലക്ഷമായി കുറയുമെന്നും കണക്കാക്കുന്നു. അന്താരാഷ്ട്ര വിദ്യാര്ഥികളാണ് കുടിയേറ്റം വര്ധിക്കാനുള്ള പ്രധാന കാരണമെന്ന് ആസ്ട്രേലിയൻ അധികൃതര് വ്യക്തമാക്കിയിരുന്നു