കായംകുളത്ത് തന്നെ കാലുവാരി തോല്പ്പിച്ചു; ജി സുധാകരൻ
2001ലെ നിയമസഭാ തിരഞ്ഞെടുപ്പില് കായംകുളത്ത് താൻ തോറ്റത് കാലുവാരല് മൂലമെന്ന് സി പി എം നേതാവ് ജി സുധാകരൻ. കാലുവാരല് കലയും ശാസ്ത്രവുമായി കൊണ്ടുനടക്കുന്ന കുറച്ചാളുകള് ഇവിടെയുണ്ട്.
യു ഡി എഫിന് മുൻതൂക്കമുള്ള മണ്ഡലങ്ങളില് മത്സരിച്ചാണ് താൻ ജയിച്ചിട്ടുള്ളത്. ചിലപ്പോള് തോറ്റിട്ടുമുണ്ട്. 2001ല് കായംകുളത്ത് തോറ്റത് കാലുവാരല് മൂലമാണ്. കാലു വരുന്നവര് ഇപ്പോഴുമുണ്ട്, നാളെയും ഉണ്ടാകും, ഇന്നലെയും ഉണ്ടായിരുന്നു. താൻ അനുഭവിച്ചതാണ്. ആദ്യം മത്സരിച്ചപ്പോള് പി ഡി പി,ആര് എസ് എസ് സ്ഥാനാര്ത്ഥികള് തന്നെ വോട്ട് മറിച്ചു. എന്നിട്ടും വിജയിച്ചു. രണ്ടാം തവണ സ്വന്തം പാര്ട്ടിയിലുള്ളവര് കാലുവാരി. ഇവരെ നിയന്ത്രിക്കാൻ ആരുമുണ്ടായില്ല. ഇടതുപക്ഷത്തുള്ളവരുടെ മനസ്സ് ശുദ്ധമായിരിക്കണമെന്നും ജി സുധാകരൻ പറഞ്ഞു. കായംകുളത്ത് പി എ ഹാരിസ് അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം.