ഇറയത്തെ ഓർമ്മകൾ ; കവിത, റോയ്‌ പഞ്ഞിക്കാരൻ

ഇറയത്തെ ഓർമ്മകൾ ; കവിത, റോയ്‌ പഞ്ഞിക്കാരൻ

 

ത്തിരിനേരം സ്വസ്ഥമായി ഇരിക്കാനായാൽ ഇറയത്തു 

വീണ്ടും വരും  ഓർമ്മകൾ 

വിശ്വരൂപം തീർക്കാൻ. 

പിന്നെ അവ  മാനം മുട്ടെ 

വളരും . 

ചില ഓർമകളെ എടുത്തെറിഞ്ഞാലും 

വീണ്ടും വരും  കൺകോണുകളിൽ 

നീര് നിറയ്ക്കാൻ . 

ഒടുക്കം മടുത്തിട്ടു ഇറങ്ങിപ്പോകാൻ

പറഞ്ഞാലും  പോവില്ല . 

ആയുധമില്ലാതെ നിൽക്കുന്ന 

പോരാളിക്ക് ആയുധമാവാൻ 

നിൽക്കുന്നതാണ് ഏമാനെ 

എന്ന് പുലമ്പിക്കൊണ്ട് നിൽക്കുന്ന 

ഓർമകളെ പിന്നെ  എങ്ങനെ

അവഗണിക്കും !!

 

 

റോയ്‌ പഞ്ഞിക്കാരൻ