കാർമുകിൽ :കവിത , റോയ്‌ പഞ്ഞിക്കാരൻ
ചുവന്നു തുടുത്ത സന്ധ്യയുടെ
മനോഹാരിതയിൽ ലയിച്ച എൻ മുന്നിൽ
പൊടുന്നനെ
കാർമേഘം ഉരുണ്ടുകൂടി
മനപ്പൂർവം !
കുംകുമ സന്ധ്യ ആസ്വദിച്ച എന്നെ,
നിനക്ക് തോൽപ്പിക്കാനാവില്ല കരിമുകിലേ,
കാത്തിരിക്കും ഞാൻ നിൻകണ്ണുനീർ
പെയ്തൊഴിവോളം .
എന്നെ തോൽപ്പിക്കാനാണു ഭാവമെങ്കിൽ
നീ ഓർക്കുക പെയ്തൊഴിഞ്ഞ നീ
വെറും വട്ടപ്പൂജ്യമാണെന്ന് .
വീണ്ടും വരുമെൻ നീലാകാശം
തരുമെൻ ചുവന്ന സന്ധ്യകൾ !
ആ സന്ധ്യയിലിരുന്നു രചിക്കും ഞാൻ
നീ വേനലിൽ വെറുമൊരു മഴ ആണെന്ന്.
റോയ്‌ പഞ്ഞിക്കാരൻ
