ഒരു മൃഗത്തെ പോലെ എന്നെ വേട്ടയാടി, ഒരാളും തിരിഞ്ഞുനോക്കിയില്ല, ഞാന്‍ സ്വന്തമായി പോകുന്നതല്ല, എന്നെ ആട്ടിയോടിച്ചതാണ്; കിറ്റെക്‌സ് ‍എംഡി സാബു ജേക്കബ്‍

ഒരു മൃഗത്തെ പോലെ എന്നെ വേട്ടയാടി,  ഒരാളും തിരിഞ്ഞുനോക്കിയില്ല, ഞാന്‍ സ്വന്തമായി പോകുന്നതല്ല, എന്നെ ആട്ടിയോടിച്ചതാണ്; കിറ്റെക്‌സ് ‍എംഡി സാബു ജേക്കബ്‍

 

കൊച്ചി: വ്യവസായ നിക്ഷേപ ചര്‍ച്ചയ്ക്കായി കിറ്റെക്‌സ് ഗ്രൂപ്പ് എംഡി സാബു ജേക്കബ് ഹൈദരാബാദിലേക്ക് പോയി. തെലങ്കാന സര്‍ക്കാരിന്റെ പ്രത്യേക ജെറ്റ് വിമാനത്തിലാണ് സാബുവും സംഘവും പോയത്. യാത്ര തിരിക്കും മുന്‍പ് കേരള സര്‍ക്കാരിനെതിരേ രൂക്ഷ വിമര്‍ശനമാണ് സാബു ഉന്നയിച്ചത്.

താന്‍ സ്വയം കേരളത്തില്‍ നിന്നും പോകുന്നതല്ലെന്നും തന്നെ ആട്ടിയോടിച്ചതാണെന്നും സാബു ജേക്കബ്. നമ്മള്‍ ഇന്നും 50 വര്‍ഷം പിന്നിലാണ്. കേരളം മാത്രം മാറിയിട്ടില്ല. ഞാന്‍ കേരളത്തെ ഉപേക്ഷിച്ചു പോകുന്നതല്ല, എന്നെ ചവിട്ടിപ്പുറത്താക്കിയതാണ്. ഒരു വ്യവസായിക്ക് വേണ്ടത് മന:സമാധാനമാണ്. എനിക്ക് കിട്ടാത്തതും അതാണ്. ഒരു മൃഗത്തെ പോലെ എന്നെ വേട്ടയാടി. 45 ദിവസം ഒരാളും തിരിഞ്ഞുനോക്കിയില്ല. എന്റെ കാര്യം വിട്ടേക്ക് എന്നെ നോക്കാന്‍ എനിക്കറിയാം. പക്ഷേ ഈ നാട്ടിലെ ചെറുപ്പക്കാര്‍, പുതിയ സംരംഭകര്‍ അവരെ രക്ഷിക്കാന്‍ ഒറ്റക്കെട്ടായി നിന്നുകഴിഞ്ഞാല്‍ കേരളത്തെ മാറ്റാം. കേരളത്തെ മാറ്റിയെ പറ്റൂവെന്നും സാബു. കേരളത്തില്‍ നിന്നു പുറത്തു നിക്ഷേപത്തിനായി പോകുന്നതില്‍ വേദനയുണ്ട്. വിഷമമുണ്ട്. പക്ഷേ നിവൃത്തിയില്ല.

ഇത് തന്റെ മാത്രം പ്രശ്നമായിട്ട് ആരും കണക്കാക്കരുത്. മലയാളികളുടെ പ്രശ്നമാണ് സ്ത്രീകളുടെ പ്രശ്നമാണ്. ഇവിടെ പഠിച്ചിറങ്ങുന്ന ചെറുപ്പക്കാരുടെ പ്രശ്നമാണ്. സര്‍ക്കാരിന്റെ ചിന്താഗതിക്ക് മാറ്റംവന്നില്ലെങ്കില്‍ വലിയൊരു ആപത്തിലേക്കാണ് കേരളം പോകുന്നത്. എനിക്കൊന്നും സംഭവിക്കാനില്ല കാരണം ഇന്ത്യയിലെ ഏത് സംസ്ഥാനത്തോ ഏത് രാജ്യത്തോ പോയി എനിക്ക് ബിസിനസ് ചെയ്യാം കാരണം അവിടെ രണ്ട് കയ്യും നീട്ടി അവര്‍ സ്വീകരിക്കും. ഈ നാട്ടില്‍ ഞാന്‍ 3500 കോടി രൂപയുടെ നിക്ഷേപം ഉപേക്ഷിക്കുന്നു എന്ന് പറഞ്ഞിട്ടു പോലും ആരും തിരിഞ്ഞു നോക്കിയില്ല.

ഇത്തരത്തില്‍ മുന്നോട്ട് പോയാല്‍ ഒരു 25 വര്‍ഷം കഴിയുമ്ബോഴേക്കും കേരളം പ്രായമായ അച്ഛനമ്മമാരുടെ നാടായി മാറും. ഒറ്റകുട്ടികള്‍ പോലും ഈ കേരളത്തില്‍ ഉണ്ടാകില്ല. നമ്മുടെ അയല്‍ സംസ്ഥാനമായ തമിഴ്നാട്ടിലേക്ക് ഏഴ് ലക്ഷം മലയാളികളാണ് തൊഴില്‍ തേടി പോയിരിക്കുന്നത്. എന്നാല്‍ 2020 കാലഘട്ടത്തില്‍ ഒട്ടനധി തമിഴന്മാര്‍ കേരളത്തിലുണ്ടായിരുന്നു. തമിഴ്നാട്ടില്‍ നിന്നുള്ള ജോലിക്കാരായിരുന്നു ഇവിടെയുണ്ടായിരുന്നത്. എന്നാല്‍ ഇപ്പോള്‍ മലയാളികള്‍ അന്യസംസ്ഥാനങ്ങളില്‍ പോയി ജോലിചെയ്ത് ജീവിക്കേണ്ട സാഹചര്യമാണെന്നും സാബു പറഞ്ഞു.

'45 ദിവസത്തോളം എ​ന്നെ മൃഗ​ത്തെ പോലെ വേട്ടയാടുകയായിരുന്നു. എന്‍റെ അവസ്​ഥ ഇങ്ങനെയാണെങ്കില്‍ ഒരു സാധാരണ വ്യവസായിയുടെ സ്​ഥിതി എന്താകും. ഉദ്യോഗസ്​ഥരുടെ മുഴുവന്‍ ചെയ്​തികളെയും വ്യവസായ മന്ത്രി ന്യായീകരിക്കുകയാണ്​' - സാബു ജേക്കബ്​ പറഞ്ഞു.

'നിക്ഷേപ പദ്ധതി പിന്‍വലിക്കുന്നതായി പ്രഖ്യാപിച്ചിട്ട്​ സംസ്​ഥാന സര്‍ക്കാറില്‍ നിന്ന്​ ഒരാള്‍ പോലും എന്നെ വിളിച്ചിട്ടില്ല. എന്നാല്‍, മറ്റു സംസ്​ഥാനങ്ങള്‍ നിരന്തരം ബന്ധപ്പെടുന്നു.- അദ്ദേഹം പറഞ്ഞു.

തന്‍റെ കാര്യം തനിക്ക്​ നോക്കാനറിയാമെന്നും അത്​ വി​േട്ടക്കുവെന്നും എന്നാല്‍, പുതിയ വ്യവസായികളെയെങ്കിലും സഹായിക്കുന്ന നിലപാട്​ ഇവിടെ ഉണ്ടാകണമെന്നും അദ്ദേഹം പറഞ്ഞു.