ലയണല്‍ മെസി സൗദിയിലെത്തി
wmvadmin2
May 10, 2022 08:09
34
ജിദ്ദ: പ്രമുഖ അര്‍ജന്‍റീനിയന്‍ ഫുട്ബാള്‍ താരം ലയണല്‍ മെസി സൗദിയിലെത്തി. ജിദ്ദ സീസണ്‍ ആഘോഷങ്ങളിലും ചെങ്കടല്‍ ടൂറിസ, പര്യവേക്ഷണ പദ്ധതികളിലും പങ്കെടുക്കുന്നതിനാണ് മെസ്സിയും അദ്ദേഹത്തിന്‍റെ കൂട്ടുകാരും ജിദ്ദയിലെത്തിയതെന്ന് സൗദി ടൂറിസം മന്ത്രി അഹ്മദ് അല്‍ഖത്തീബ് പറഞ്ഞു.
ലയണല്‍ മെസിയെയും സുഹൃത്തുക്കളെയും ജിദ്ദ സീസണിലും ചെങ്കടല്‍ പര്യവേക്ഷണത്തിലും പങ്കെടുത്ത് അവധികാലം ചെലവഴിക്കാന്‍ സൗദിയിലേക്ക് സ്വാഗതം ചെയ്യുന്നുവെന്ന് മന്ത്രി ട്വിറ്ററില്‍ കുറിച്ചു.
ഇത് അദ്ദേഹത്തിന്‍റെ ആദ്യത്തെ സന്ദര്‍ശനമല്ല. അവസാനത്തേതും ആയിരിക്കില്ല. സൗദി ടൂറിസത്തിന്‍റെ അംബാസഡറായി മെസ്സിയെ പ്രഖ്യാപിക്കുന്നതില്‍ തനിക്ക് ഏറെ സന്തോഷമുണ്ടെന്നും മന്ത്രി ട്വിറ്ററിലുടെ വ്യക്തമാക്കി. അര്‍ജന്‍റീനീയന്‍ ദേശീയ ടീമിലെ സഹപ്രവര്‍ത്തനോടൊപ്പം മെസ്സി സൗദിയിലെത്തുന്ന ചിത്രങ്ങളും മന്ത്രി പോസ്റ്റ് ചെയ്തിരുന്നു.
