പ്രധാനമന്ത്രിയുടെ പേരില്‍ രാജ്യമെങ്ങും ബിജെപിയുടെ കബഡി മത്സരം
പ്രധാനമന്ത്രി നരേന്ദ്രമോദിയുടെ പേരില്‍ രാജ്യമെമ്ബാടും കബഡി മത്സരങ്ങള്‍ സംഘടിപ്പിക്കാനൊരുങ്ങി ബിജെപി. ബുധനാഴ്ച മുതലാണ് മത്സരങ്ങള്‍ സംഘടിപ്പിക്കുക.
” പ്രധാനമന്ത്രി നരേന്ദ്രമോദിയുടെ നേതൃത്വത്തിലുള്ള കേന്ദ്ര സര്‍ക്കാര്‍ ഗ്രാമീണ കായിക പ്രതിഭകളെ പ്രോത്സാഹിപ്പിക്കുകയും അവര്‍ക്ക് അന്താരാഷ്ട്ര ദേശീയ തലങ്ങളില്‍ വേദിയൊരുക്കുകയും ചെയ്യുന്നുണ്ട്,” കിസാന്‍ മോര്‍ച്ച ഔദ്യോഗിക പ്രസ്താവനയില്‍ പറഞ്ഞു. ബിജെപി കിസാന്‍ മോര്‍ച്ച ദേശീയ, സംസ്ഥാന ഭാരവാഹികള്‍ ഈ വിഷയവുമായി ബന്ധപ്പെട്ട് യോഗം നടത്തുകയും നമോ കബഡി പരിപാടി വിജയിപ്പിക്കുന്നതിന് ആവശ്യമായ കമ്മിറ്റികള്‍ രൂപീകരിക്കുകയും ചെയ്തതായി പാര്‍ട്ടി വൃത്തങ്ങള്‍ അറിയിച്ചു. വിജയിക്കുന്ന ടീമുകളെ കേന്ദ്രമന്ത്രിമാരോ അതത് സംസ്ഥാനങ്ങളിലെ സംസ്ഥാന ബിജെപി അധ്യക്ഷന്‍മാരോ അനുമോദിക്കും.
