ഇന്ത്യയില്‍ നിക്ഷേപം നടത്തണം; ഇലോണ്‍ മസ്‌കിനോട് അദാര്‍ പൂനാവാല

ഇന്ത്യയില്‍ നിക്ഷേപം നടത്തണം;  ഇലോണ്‍ മസ്‌കിനോട് അദാര്‍ പൂനാവാല

ന്യൂഡല്‍ഹി: ഇന്ത്യയില്‍ നിക്ഷേപം നടത്താന്‍ ടെസ്ല മേധാവി ഇലോണ്‍ മസ്‌കിനോട് നിര്‍ദ്ദേശിച്ച്‌ സെറം ഇന്‍സ്റ്റിറ്റ്യൂട്ട് സിഇഒ അദാര്‍ പൂനാവാല.

ടെസ്ലയുടെ ഉയര്‍ന്ന നിലവാരത്തിലുള്ളതും വലിയ തോതിലുള്ളതുമായ കാറുകളുടെ നിര്‍മ്മാണത്തിനായി ഇന്ത്യയില്‍ നിക്ഷേപം നടത്താനാണ് അദാര്‍ പുനാവാല നിര്‍ദ്ദേശിച്ചിരിക്കുന്നത്. ട്വിറ്റര്‍ വാങ്ങാനുള്ള നീക്കം നടക്കാതെ വരികയാണെങ്കില്‍ ആ മൂലധനം ഇന്ത്യയില്‍ ടെസ്ല നിര്‍മ്മിക്കുന്നതിന് ഉപയോഗിക്കണമെന്നാണ് നിര്‍ദ്ദേശം.

ലോകത്തിലെ ഏറ്റവും വലിയ ധനികന്‍ നടത്തുന്ന ഏറ്റവും മികച്ച നിക്ഷേപമായിരിക്കും ഇതെന്നും പൂനാവാല പറഞ്ഞു. ട്വിറ്ററിലൂടെയാണ് പൂനാവാല പ്രതികരണവുമായി എത്തിയിരിക്കുന്നത്. 44 ബില്യണ്‍ ഡോളറിന് ട്വിറ്റര്‍ വാങ്ങാമെന്ന് ടെസ്ല മേധാവി വാഗ്ദാനം ചെയ്യുകയും ട്വിറ്റര്‍ ബോര്‍ഡ് അദ്ദേഹത്തിന്റെ ഓഫര്‍ അംഗീകരിക്കുകയും ചെയ്തതിന് പിന്നാലെയാണ് പൂനവാല മസ്‌കിന് ഉപദേശം നല്‍കിയത്.