സാക്ഷി: കവിത , റോയ് പഞ്ഞിക്കാരൻ
wmvadmin2
Jan 14, 2022 03:30
271
കണ്ടിട്ടും കണ്ണുപൊത്തി
കണ്ടില്ല എന്ന് പറയുന്നവൻ സാക്ഷി .
നിരവധിപേരുടെ മുന്നിൽ വെച്ച്
നിയമാനുശ്രതം കണ്ണ് മൂടിക്കെട്ടിയവൻ സാക്ഷി.
ഒരുനാൾ ഉപഹാരമായി എന്തോ
എറ്റു വാങ്ങിയവൻ സാക്ഷി.
ഇരയുടെ മുന്നിൽ നിന്നും
കൊഞ്ഞനം കൊത്തുന്നവർ
മറ്റൊരു സാക്ഷി .
ഒരു ജീവിതം കരിയില പോലെ
പാറുമ്പോഴും
ഇര ആരാണെന്നറിയാതെ
വെറുതെ പുലമ്പുന്നവൻ വേറൊരു സാക്ഷി .
റോയ് പഞ്ഞിക്കാരൻ
