വെള്ളമെന്ന് കരുതി സാനിറ്റൈസര് കുടിച്ച കായികതാരങ്ങള് ആശുപത്രിയില്

വെള്ളമാണെന്ന് കരുതി സാനിറ്റൈസര് കുടിച്ച കായികതാരങ്ങള് ആശുപത്രിയില്. ജപ്പാനിലാണ് സംഭവം. മത്സരാര്ത്ഥികള്ക്കായി വെച്ച വെള്ളമാണെന്ന് കരുതിയായിരുന്നു താരങ്ങള് സാനിറ്റൈസര് എടുത്ത് കുടിച്ചത്.
ഇതിന് തൊട്ടുപിന്നാലെ കായികതാരങ്ങള് ഛര്ദ്ദിക്കുകയും തലകറങ്ങി വീഴുകയും ചെയ്തതോടെയാണ് കുടിച്ചത് സാനിറ്റൈസര് ആണെന്ന് കണ്ടെത്തിയത്.
പെണ്കുട്ടികളുടെ 5,000 മീറ്റര് നടത്തം നടക്കുന്നതിന് തൊട്ടുമുമ്ബാണ് സംഭവം. മധ്യജപ്പാനിലെ യമനാഷി പ്രവിശ്യയിലാണ് സ്കൂള് സ്ഥിതിചെയ്യുന്നത്. കപ്പുകളിലാക്കിയ സാനിറ്റൈസര് അബദ്ധത്തില് കുടിവെള്ളത്തിന് സമീപം വെച്ചതാണെന്ന് സ്കൂള് അധികൃതര് വ്യക്തമാക്കി.
സംശയാസ്പദമായ ഒന്നും തന്നെയില്ലെങ്കിലും അന്വേഷണം നടത്തുമെന്ന് യമനാഷി ഗവര്ണര് അറിയിച്ചു. വെള്ളമാണെന്ന് കരുതി മത്സരാര്ത്ഥികള് സാനിറ്റൈസര് കുടിച്ചുവെന്നാണ് പ്രാഥമിക വിലയിരുത്തല്.